|| روح انثى ||
06-12-2010, 02:59 PM
بسـم الله الرحمـــن الرحيـــم
السلام عليكم ورحمـة الله وبركاتـه
الحمدلله رب العالمين
اليوم السبت الموافق 29 / 6 / 1431 هـ
طبعا دوامات وكلا راح دوامه وعلى اساس الجامعات عندهم اختبارات خلاص و عشان ظروف بيتنا لازم حتى انا دوامي العادي اروح وارجع معاهم والا ما في روحة
المهم اخواني حقون الجامعة خلصوا على الساعة 9 ونص وطبعا انا معاهم
في الطريق في انفاق ومعروفة سرعة السيارات في الانفاق وكان قدام سيارتنا جيمس وماشين كل الخط بسرعة محددة
فجاءة الجمس يفحط ويوقف بدون سابق انذار ولا نور ولا صوت ولا اشارة
كدا فجاءة بعد سرعة وقف
فايش الي سار ؟؟؟؟
سار الحادث
طبعا خبطنا في الجيمس وتعجنت السيارة من قدام وكل الخط ورانا سيارتين نفس الشيء خبطوا فينا وتعجنت سيارتنا من ورا برضو
النفق كله توقف من عدد السيارات لان عدد السيارات ما شاء الله 6 يمكن
الحمدلله على كل حال
الشاهد في الحكاية كلها
ان من فضل ربي ان من عادة ابويا انو اول ما يركب السيارة
لازم يقرا قران اش هو بالضبط مدري لكن من السور القصار والمعوذات واية الكرسي والفاتحة وكم سورة
وطبعا دعاء الركوب وكدا
والحمدلله اخواني من النوع الي الصلاة في المسجد حتى صلاة الفجر خصوصي اخويا الكبير ( قولوا ماشاء الله تبارك الرحمن ) ما يتركها الا بسبب ظروف قاهرة
وكان هو و ابويا الي قدام
والي سار انو الحديد قدام تعجن ودخل على جوا والقزاز الامامي للسيارة بس انشطب
الحمدلله
قران ابويا وصلاة اخويا الفجر في المسجد ربي سلمهم غير الي ورا الحمدلله من فضل ربي
يعني تخيلوا لو القزاز الامامي تكسر على الي قدام كان على الاقل جروح ولا الي ورا كان نفس الشيء ولا لو تعجنت السيارة من قدام ودخلت على جوا اكثر كان لا قدر الله مو بس الم الخبطة من بعد الوقفة المفاجاة لا كان اشياء ثانية لا قدر الله وانتوا فاهمين
لكن ربي قدر ولطف
كله بفضل الله ثم ذكره والصلاة في المسجد وفي وقتها
فالرحمن يقول { اذكروني اذكركم }
و حديث جندب بن عبد الله عن النبي - صلى الله عليه وسلم - قال: " من صلى صلاة الصبح فهو في ذمة الله، فلا يطلبنكم الله من ذمته بشيء، فإنه من يطلبه من ذمته بشيء يدركه، ثم يكبه على وجهه في نار جهنم " أخرجه مسلم واللفظ له
و الحمدلله رب العالمين
|| روح انثى ||
السلام عليكم ورحمـة الله وبركاتـه
الحمدلله رب العالمين
اليوم السبت الموافق 29 / 6 / 1431 هـ
طبعا دوامات وكلا راح دوامه وعلى اساس الجامعات عندهم اختبارات خلاص و عشان ظروف بيتنا لازم حتى انا دوامي العادي اروح وارجع معاهم والا ما في روحة
المهم اخواني حقون الجامعة خلصوا على الساعة 9 ونص وطبعا انا معاهم
في الطريق في انفاق ومعروفة سرعة السيارات في الانفاق وكان قدام سيارتنا جيمس وماشين كل الخط بسرعة محددة
فجاءة الجمس يفحط ويوقف بدون سابق انذار ولا نور ولا صوت ولا اشارة
كدا فجاءة بعد سرعة وقف
فايش الي سار ؟؟؟؟
سار الحادث
طبعا خبطنا في الجيمس وتعجنت السيارة من قدام وكل الخط ورانا سيارتين نفس الشيء خبطوا فينا وتعجنت سيارتنا من ورا برضو
النفق كله توقف من عدد السيارات لان عدد السيارات ما شاء الله 6 يمكن
الحمدلله على كل حال
الشاهد في الحكاية كلها
ان من فضل ربي ان من عادة ابويا انو اول ما يركب السيارة
لازم يقرا قران اش هو بالضبط مدري لكن من السور القصار والمعوذات واية الكرسي والفاتحة وكم سورة
وطبعا دعاء الركوب وكدا
والحمدلله اخواني من النوع الي الصلاة في المسجد حتى صلاة الفجر خصوصي اخويا الكبير ( قولوا ماشاء الله تبارك الرحمن ) ما يتركها الا بسبب ظروف قاهرة
وكان هو و ابويا الي قدام
والي سار انو الحديد قدام تعجن ودخل على جوا والقزاز الامامي للسيارة بس انشطب
الحمدلله
قران ابويا وصلاة اخويا الفجر في المسجد ربي سلمهم غير الي ورا الحمدلله من فضل ربي
يعني تخيلوا لو القزاز الامامي تكسر على الي قدام كان على الاقل جروح ولا الي ورا كان نفس الشيء ولا لو تعجنت السيارة من قدام ودخلت على جوا اكثر كان لا قدر الله مو بس الم الخبطة من بعد الوقفة المفاجاة لا كان اشياء ثانية لا قدر الله وانتوا فاهمين
لكن ربي قدر ولطف
كله بفضل الله ثم ذكره والصلاة في المسجد وفي وقتها
فالرحمن يقول { اذكروني اذكركم }
و حديث جندب بن عبد الله عن النبي - صلى الله عليه وسلم - قال: " من صلى صلاة الصبح فهو في ذمة الله، فلا يطلبنكم الله من ذمته بشيء، فإنه من يطلبه من ذمته بشيء يدركه، ثم يكبه على وجهه في نار جهنم " أخرجه مسلم واللفظ له
و الحمدلله رب العالمين
|| روح انثى ||